MIZORAM HI

Mizoram hi zirna hmunpuiah siam kan tum: Minister Mizoram hi zirna hmunpuiah siam kan tum: Minister Sawta
By Editor Saturday Jan 16 2010 12:04 pm
Education Minister Lalsawta chuan, Mizoramah technical/vocational education uar a nih dawn thu sawiin, “Mizoram hi zirna hmunpui (hub of education)-ah kan siam theih kan ring nghet tlat a ni,” a ti a; technical education uar a nih dawn avang hian college leh higher secondary school-te tihtlem a ngai dawn nia a lan thu a sawi.
Education Minister hian nimin khan Press Club-ah thuthar lakhawmtute kawmin, education hub-a Mizoram siam tum a nih thu hi a puang. Minister chuan, “Mizote tan khawvel leh India ramah hmun sang kan luah theihna hi zirna niin kan hria.He mi kawngah hian theihna kan neih bakah, kan ram hlutzia ngaihtuahin, zirna hmunpuiah kan siam theih kan ring nghet tlat a ni,” a ti.
Lalsawta chuan, zirnain zirlaite thiamna tak tak pe se, an thiamna chu sorkar kher lo, company leh mimal tan pawh hman tlak an neih theihna tur leh, mahni puala eizawnna an neih theih zawk nan vocational/technical studies uar tum a nih thu sawiin, sorkar laipui pawhin technical lam zirna chu khawvel than dan enin a pawimawh thu a sawi.
Mizoramin technical institution pahnih kan neih – Mizoram Polytechnic, Aizawl bakah, tun hnai khan Champhai, Kolasib, Lawngtlai leh Mamit-ahte polytechnic din phalna sorkar laipuiin a rawn pek thu Minister chuan a sawi.
Lalsawta chuan, National Institute of Technology (NIT) pawh Mizoramah din a nih dawn thu sawiin, hemi atan hian ram acre 30 mamawh a nih thu a sawi a, NIT hi academic session tharah bul tan a nih dawn thu a sawi bawk.
Hetianga technical studies lam uar a nih dawn avang hian tuna Higher Technical Education department budget zawng zawng zinga 7% chauh technical studies lamin a chan thin pawh her rem a ngaih tur thu sawiin, Lalsawta chuan, :Kan sum hman dan hawi zawnga khawih loh theih loh avangin college pangaite pawh kan tihtlem a, kan neih ang angte tihchangtlun lehzual a ngai dawn niin a lang,” a ti. Tunah hian Mizoram pumah sorkar college 22 a awm mek.
Technical studies uar tum a nih avang leh sum lama harsatna avangin Mizoram sorkar hnuaia higher secondary school 86-te pawh tihtlem a, a awm angte tihphuisui lehzual a ngaih dawn thu sawiin, Minister chuan, “HSS kan neih ang ang hi subject tam zawk zir theihna leh hostel changtlung zawk leh lecturer tam zawk nei tura buatsaih a ngai dawn a ni,” a ti. Singapore mithiamte’n Mizoramah Rajiv Gandhi University din an rilruk mek thu Lalsawta chuan a sawi bawk.
Mizorama technical studies uar tum a nih chungchangah hian Minister Lalsawta chuan, mimal leh pawl finchhuahna leh rawtna an dawng their eng tih a sawi. Sorkar hmasain sikul hrang hrang 337-te dinhmun sang zawka a dah vanga Education department-in sum lama harsatna lian tak a tawh thu leh, chung sikulte dinhmun chu ennawn tum a nih chungchang pawh Education Minister chuan a sawifiah a, “Ruahhman lawkna awm loa sikul 337 zet mai dinhmun sanga hlankai hi kan phurrit lian ber a ni. Kan kal nawk nawk hnuah kan ngawl tain kan hria a, Kal ngiahna a awm tawh lo ni,” a ti.
Lalsawta chuan, kum 2008-a middle school leh primary school-a Operation Blackboard hnuaia zirtirtu 227 lakte chu an hlawh lakna thin, CSS atanga sum lo kal a tawp tawh avangin Plan sum hmanga enkawl an ni tih a sawi a; hemi avanga budget-a telh loh Plan sum hman ngai zat chu kum khatah Rs. 2,72,40,000 a ni tih a sawi.
CSS hnuai thoa high school leh middle school Hindi Tescher 491-te pawh CSS sum a tawp avangin Plan sum ring tura tih a nih thu Minister chuan a sawi a, chumi avanga kum khata sorkar sum sen belh ngai zat chu Rs. 5, 88,00,000 a nih thu a sawi. Sorkar hmasain sikul 337-te dinhmun sang zawka a hlankai avanga sorkarin kum khata sum a sen belh zawng zawng chu Rs. 11,11,73,000 a ni tih a sawi bawk. Minister Lalsawta press conference-ah hian Parliamentary Secretary (Edn.) Chawngtinthanga, School Education Secretary K. Riachho leh mi pawimawh dangte an tel.Mizoram hi zirna hmunpuiah siam kan tum: Minister Sawta
By Editor Saturday Jan 16 2010 12:04 pm
Education Minister Lalsawta chuan, Mizoramah technical/vocational education uar a nih dawn thu sawiin, “Mizoram hi zirna hmunpui (hub of education)-ah kan siam theih kan ring nghet tlat a ni,” a ti a; technical education uar a nih dawn avang hian college leh higher secondary school-te tihtlem a ngai dawn nia a lan thu a sawi.
Education Minister hian nimin khan Press Club-ah thuthar lakhawmtute kawmin, education hub-a Mizoram siam tum a nih thu hi a puang. Minister chuan, “Mizote tan khawvel leh India ramah hmun sang kan luah theihna hi zirna niin kan hria.He mi kawngah hian theihna kan neih bakah, kan ram hlutzia ngaihtuahin, zirna hmunpuiah kan siam theih kan ring nghet tlat a ni,” a ti.
Lalsawta chuan, zirnain zirlaite thiamna tak tak pe se, an thiamna chu sorkar kher lo, company leh mimal tan pawh hman tlak an neih theihna tur leh, mahni puala eizawnna an neih theih zawk nan vocational/technical studies uar tum a nih thu sawiin, sorkar laipui pawhin technical lam zirna chu khawvel than dan enin a pawimawh thu a sawi.
Mizoramin technical institution pahnih kan neih – Mizoram Polytechnic, Aizawl bakah, tun hnai khan Champhai, Kolasib, Lawngtlai leh Mamit-ahte polytechnic din phalna sorkar laipuiin a rawn pek thu Minister chuan a sawi.
Lalsawta chuan, National Institute of Technology (NIT) pawh Mizoramah din a nih dawn thu sawiin, hemi atan hian ram acre 30 mamawh a nih thu a sawi a, NIT hi academic session tharah bul tan a nih dawn thu a sawi bawk.
Hetianga technical studies lam uar a nih dawn avang hian tuna Higher Technical Education department budget zawng zawng zinga 7% chauh technical studies lamin a chan thin pawh her rem a ngaih tur thu sawiin, Lalsawta chuan, :Kan sum hman dan hawi zawnga khawih loh theih loh avangin college pangaite pawh kan tihtlem a, kan neih ang angte tihchangtlun lehzual a ngai dawn niin a lang,” a ti. Tunah hian Mizoram pumah sorkar college 22 a awm mek.
Technical studies uar tum a nih avang leh sum lama harsatna avangin Mizoram sorkar hnuaia higher secondary school 86-te pawh tihtlem a, a awm angte tihphuisui lehzual a ngaih dawn thu sawiin, Minister chuan, “HSS kan neih ang ang hi subject tam zawk zir theihna leh hostel changtlung zawk leh lecturer tam zawk nei tura buatsaih a ngai dawn a ni,” a ti. Singapore mithiamte’n Mizoramah Rajiv Gandhi University din an rilruk mek thu Lalsawta chuan a sawi bawk.
Mizorama technical studies uar tum a nih chungchangah hian Minister Lalsawta chuan, mimal leh pawl finchhuahna leh rawtna an dawng their eng tih a sawi. Sorkar hmasain sikul hrang hrang 337-te dinhmun sang zawka a dah vanga Education department-in sum lama harsatna lian tak a tawh thu leh, chung sikulte dinhmun chu ennawn tum a nih chungchang pawh Education Minister chuan a sawifiah a, “Ruahhman lawkna awm loa sikul 337 zet mai dinhmun sanga hlankai hi kan phurrit lian ber a ni. Kan kal nawk nawk hnuah kan ngawl tain kan hria a, Kal ngiahna a awm tawh lo ni,” a ti.
Lalsawta chuan, kum 2008-a middle school leh primary school-a Operation Blackboard hnuaia zirtirtu 227 lakte chu an hlawh lakna thin, CSS atanga sum lo kal a tawp tawh avangin Plan sum hmanga enkawl an ni tih a sawi a; hemi avanga budget-a telh loh Plan sum hman ngai zat chu kum khatah Rs. 2,72,40,000 a ni tih a sawi.
CSS hnuai thoa high school leh middle school Hindi Tescher 491-te pawh CSS sum a tawp avangin Plan sum ring tura tih a nih thu Minister chuan a sawi a, chumi avanga kum khata sorkar sum sen belh ngai zat chu Rs. 5, 88,00,000 a nih thu a sawi. Sorkar hmasain sikul 337-te dinhmun sang zawka a hlankai avanga sorkarin kum khata sum a sen belh zawng zawng chu Rs. 11,11,73,000 a ni tih a sawi bawk. Minister Lalsawta press conference-ah hian Parliamentary Secretary (Edn.) Chawngtinthanga, School Education Secretary K. Riachho leh mi pawimawh dangte an tel.