KUM SUL A LO VEI CHANG HIAN

msul a lo vei chang hian
Zalianthanga,TahanHun leh ni te a in her liam zel a, dan hleih theih lovin kum khatin kan upa leh dawn ta a ni leh ta reng mai. Taksa hrilsel lo tan chuna ni khat, thla khat, kum khatte hi rei fe hian a hriat a, hriselpangngai tan chuan kar lovah a lo liam ve zung zung mai a nih hi. Pathian hnenah lawm thu kan sawi nasat a va tul tak em?Chu tiang zel chuan mahni she seh mual hrang atangin kan tul ve theuh thin a. Eng emaw ti ti chuan hun ropui U-A-MA kan tih fo Kristian Kut ropui ber chu kan lo thleng leh dawn ta reng mai a. He boruak zet hian mitinte thinlungah thuk takin zauthauna a pe a, a chiap a lapin kan rilru a sanhmawh deuh vek tih theih a ni. Chu dinhmun chu hre thiamin hla kungpui Rokunga chuanKumpui sul a lo vei chan hian lunglen a tho leh thinNgai lo leh lawm lo reng awm hlei loTiin Krismas lunglen hmahruai chu a rawn au chhuahpui ta a ni. Mas lo thleng turah hian nghawng dan chi hrang hrangin min nghawng hlawm a, a then hlim leh lawma hun an hman lain thenkhat ve thung chuan lungchhia vankaiin an lo awm te pawh a nih mahna. Heng dinhmun hi mihring ze rilah hian a awm fo thin a, a rau chan dan pawh a inchen lo fo thin reng a ni. Rokunga vek hianAwmlai vei leh lusun fate chan tawk hi dawn ve tehHnutiang mual liam hnu ngaiin an tap eTiin rilru baihvai leh nguaite chan chu a lo tlangaupuisak a. Lusun chhungte chan ang leh rilru hliam tuarte chan ang hi a dawngsawng lo tan chuan hriat thiam a har em em mai a, a hre thiam tan chuan lairil hi a fan ngawih ngawih mai a ni. Chu chauh a la ni nem le. Tuantul vang leh loh theih loh avanga hmun hla awm te hlei hlei hian he hun a lo thlen dawn hi chuan chhungte ngaiin rilru a vakvai a, hnuk hi a tiulh lek lek thin reng a ni. Thianzaho leh chhungkaw kimtea kan hmanho laite kha han ngaihtuah chian chuan lung hi a tileng thlawt a ni. Chu boruak chu Rokunga vek hian ti hian a rawn chhawp chhuak leh a,Kar hla leng rual duh zawngte in damlai em ni le …….Dam takin aw kan intawh leh hma zawngHlimin zai ang che, muttui, mangthatia inthlahlelna tawngkam hi ngaihtuah chian chuan rilru a khawih lairil a fan lo thei lo a ni. Hmun thenkhatah chuan Mas boruak vela Carol thawm emaw, thawmhnaw thar tuma naupangho an inkai hnawk duah duah maia, mitthlaa lo lang iar iar mai te leh ruai buatsaih dawn tepa an vir buai lai ,Mas hla an play leh chuah chuah tur te suangtuah phei chuan Awi karei, a mi deh a va na tak em.Mahse khua kan hmun ta si lo. Lawm avanga hlim an awm laiin in dawm ngun ngawih ngawih, rilrua rethei vanga nun khua ngui tate pawh an awm thei a. Mahse, chhiartu tak nguaiin uiai duh suh. Hringnun hmachhawn ngam I nilo em ni. Ding la, in sawi harh ta che. He ni lawmawm hi hlim tak leh engthawl takin kan hmang dawn lawm ni. Hla kungpui kam liam anginKan nghah ni lawmawm tak chu a lo thleng leh ta,I phur rit zawng zawngte chu kalsan la;Hlim la, hun tha in neih chhung hianin tiin.Chu ti, a nih chuan kan, hmathlirna eng atangin he kut ropui hi kan chen a nih theih chuan eng ti ang zawng pawhin lo hmang dawn ta ila, rilru a zang haih ang a, mi dangte tan phur rit kan siam lo mai bakah kan tan ni lawmawm hi a takin kan chen thei dawn ta a ni. Chu ti hunah chuanAw a va mawi em? He ni lawmawm hun tawi te hi,Kan vannei em e, lawman ni ni kan tawng leh ta;Lungrual takin hlim zai i vawr ang aw,I lungngaihna chu puan ang hlip rawh.Tiin,am tak ni si, beng thlenga pawp khai chungin Krismas leh Kum thar chu he hla thulkhung hmangin kan thuam mawi thei dawn a ni.CHHIARTU DUH TAK KRISMAS LEH KUM THAR HLIM TAKIN LE
Posted by Zo Kawtchhuah
File Under : Article

0 comments:

Post a Comment